شوہر شیخ عرفان نے اپنی بیوی نغمہ کو زندہ جلایا

ناندیڑ: ۱۳؍جون ( نامہ نگار)بھوکر تعلقہ کے پمپل کوٹھا گاؤں میں شوہر نے کیروسین چھڑک کر اپنی بیوی کو زندہ جلا ڈالا ۔ پولس پریس نوٹ کے مطابق پمپل کوٹھا کے رہنے والے شیخ عرفان شیخ عثمان (۲۸سال ) کی شادی کچھ عرصہ قبل نغمہ بیگم (۲۰سال ) کے ساتھ ہوئی تھی ۔ سسرال سے ہنڈا نہ ملنے کے معاملے پر شوہر شیخ عرفان نے اپنی بیوی نغمہ کے



جسم پر کیروسین چھڑک کر اُسے آگ لگادی ۔ جھلسی ہوئی حالت میں نغمہ کو سرکاری دواخانہ میں شریک کیاگیاتھا ۔ مگر دوران علاج اس کی موت ہوگئی ۔مرنے سے قبل نغمہ نے پولس کو بیان دیاتھا کہ اس کے شوہر شیخ عرفان نے کیروسین چھڑک کر آگ لگائی تھی ۔ اس بیان کی بنیاد پر بھوکر پولس اسٹیشن میں شوہر شیخ عرفان کے خلاف قتل کا مقدمہ درج کیاگیا ہے ۔